Државниот завод за статистика вчера соопшти дека просечната месечна исплатена нето-плата по вработен, во август 2020 година, изнесувала 27.535 денари.
Статистиката покажува дека во земјава има дејности каде работниците можат само да сонуваат за оваа сума.
На првото место на листата најниски просечни плати се вработените во секторот производство на кожа и слични производи од кожа каде што просечната плата во август изнесувала 16.117 денари. На второто место е секторот заштитни и истражни дејности (16.283 денари), а на третото рибарство и аквакултура (17.503 денари).
Потоа следуваат производство на облека (17.720 денари) и дејности за подготовка на оброци и служење на храна (17.733 денари).
ПОВРЗАНИ ВЕСТИ
Топ пет највисоки просечни плати: Програмерите со 66.433 денари убедливо на врвот