„МЗТ Пумпи“ АД Скопје за периодот јануари – септември 2020 година оствари нето добивка по оданочување во износ од 2.148.000 денари, соопшти компанијата преку Македонската берза.
„Друштвото ги следи економските трендови во националната, регионалната и глобалната економија со цел да се здобие со информации корисни за процесот на одлучување. Ново настаната ситуација што ја зафати нашата држава со Ковид-19, имаше влијание и во работењето на нашето друштво.
Друштвото досегашното свое работење го извршуваше во согласност со своите утврдени стратешки цели и деловната политика со цел унапредување и постигнување на подобри рзултати во своето работење.
Основна определба на компанијата и понатаму мора да биде извозната орентација, подобрувањето на квалитетот на своите производи исто така ќе продолжи со трендот на рехабилитација на постоечките капацитети, подобрување на работните услови и инвестиции во нова опрема и посовремена технологија“, велат од компанијата.