Екипи на општинското јавно претпријатие „Охридски комуналец“ од синоќа спроведуваат дезинфекција на јавните површни низ Охрид. Со средство за дезинфекција се мијат улиците низ целиот град, градскиот кеј, пешачките патеки, просторот во и околу болничкиот комплекс и сите фреквентни локации во градот.
Дополнително е извршена и дезинфекција во околните охридски села, а таквите активности ќе продолжат и во текот на наредниот период.
Превентивно заради заштита од коронавирусот се затворени и сите детски игралишта на подрачјето на Општина Охрид. Претходно беше беше извршена и целосна дезинфекција на игралиштата.
Од Општина Охрид се упатува апел до граѓаните да ја почитуваат мерката и да избегнуваат непотребни групирања и на други отворени локации.
МИА