Бројот на заразени со Ковид-19 во Македонија, но и на оние кои поради компликации од истиот завршуваат во болница последниве недели постојано се зголемува.
Вчера во земјава беше регистриран и рекорден број на починати од Ковид-19, 26 лица за 24 часа.
Многу поголем е пак бројот на тие што се лекуваат дома.
Според пресметките на еМагазин во консултација со матични лекари, имајќи предвид од кој производител се витамините кои се користат за лекување, дали антибиотиците се купуваат фондовски или приватно, каде е направен тестот за Ковид-19, колку време трае терапијата…, еден граѓанин борбата со вирусот во домашни услови би го чинела од 6.000 до 10.000 денари.
Оваа е сума само за едно лице, а во многу случаеви како што се покажа кај нас од вирусот се заразува цело семејство, па трошоците за лекување би биле многу повисоки.
Затоа многу поисплатливо во овие тешки времиња Ви е редовно да носите маска, да држите дистанца и секако често правилно да ги миете рацете.
Вашето здравје и здравјето на вашите најблиски е најаважно. Се друго е споредно.
ПОВРЗАНИ ВЕСТИ
Колку чини лекувањето од Ковид-19 во домашни услови: Каква терапија препишуваат матичните лекари
Фото: МЗ