Кандидатот за градоначалник на Штип на СДСМ, Сашко Николов на денешната прес-конференција најави дека и во време на изборната кампања ќе биде со пациентите, односно ќе волонтира на кардиолошкиот оддел во штипската болница, каде што веќе е планирано во фунција да се стави и интензивната соба за потешките пациенти со Ковид-19.
– За време на вонредните парламентарни избори јас ветив дека ќе останам доктор за сите граѓани и покрај пратеничката функција и го одржав ветувањето. Секој слободен момент го користев и се уште го користам во моето каридолошко одделение во КБ Штип, заедно со моите граѓани, грижејќи се и борејќи се за нивното здравје секојдневно.
Така ќе биде и понатаму и покрај сите обврски ќе продолжам да волонтирам на кардиолошкото одделение и секаде каде што има потреба од мојата помош, бидејки состојбата со корона вирусот бара општествена и социјална одговорност од сите нас, вели Николов.
Градоначалникот на Општина Прилеп, Илија Јованоски исто така волонтира во болницата во градот.
Фото: Фејсбук/Николов