Мирослав Вујиќ на местото на Никола Танасоски во Надзорниот одбор на „Триглав пензиско друштво“

„Триглав пензиско друштво“ АД Скопје преку Македонската берза информира дека се случиле промени во Надзорниот одбор на друштвото.

„Доскорешниот независен член на Надзорниот одбор Никола Танасоски си подне оставка, а на негово место како независен член на Надзорниот одбор беше избран Мирослав Вујиќ.

Дополнително, ве известуваме дека Агенцијата за супервизија на капитално финансирано пензиско осигурување (МАПАС) со решение од 12.11.2020 година, го одобри изборот на независниот член на Надзорниот одбор на „Триглав пензиско друштво“ АД Скопје Мирослав Вујиќ, како и реизборот на останатите членови на Надзорниот одбор: Аљоша Уршич, Блаж Кметец и Дарко Поповски.

Уписот на промените е извршен и во Централниот регистар на Република Северна Македонија на 24.11.2020 година“, информира компанијата.