Негувателка од градинка е позитивна на коронавирусот. Осум деца и една негувателка се во изолација во Неготино, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје.
Позитивно на вирусот е и едно наставно лице од Кавадарци, кое држело онлајн настава.
Центарот бележи и едно починато лице од Кавадарци, на возраст од 61 година.
Инаку, во четирите општини од регионот, во последните 24 часа се регистрирани 49 лица позитивни на Ковид-19. Во Кавадарци 32, во Неготино 12, Демир Капија 4 и едно лице во Росоман. Тие се на возраст од 16 до 81 година.
Се утврдуваат нивните контакти, со цел да се изолираат.
МИА/Фото: Општина Кавадарци
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.