Здравствен и просветен работник се меѓу новозаболените во Кавадарци, а две лица со Ковид-19 починаа.
Информацијата за МИА ја потврди доктор Ристе Јовановски, специјалист епидемиолог при Центарот за јавно здравје Кавадарци.
Починатите лица со Ковид-19 од Кавадарци се на возраст од 65 и 68 години, појасни Јовановски.
Тој додаде дека изминатите 24 часа евидентирани се нови 52 случаи позитивни на коронавирусот во Тиквешко. Најмладиот има 16 години, а најстариот е на 81-годишна возраст.
Од Кавадарци се 38 случаи, од Росоман пет, од Неготино седум и од Демир Капија два.
Јовановски додаде дека се работи на утврдување на контактите на новозаболените, со цел нивна изолација.
МИА/Фото: Општина Кавадарци
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.