Услугите на Гугл денеска кусо време не беа достапни и тоа влијаеше на голем број корисници. Меѓу услугите што беа нарушени се – Gmail, пребарувачот Google, YouTube и Google Maps.
Downdetector, веб-страницата што следи прекини на веб-страници, објави над 20.000 случаи на прекини во целиот свет.
Сепак, од оние кои пријавиле проблеми со YouTube, 54 отсто рекле дека не можат да пристапат до веб-страницата, 42 отсто не можат да гледаат видеа и три отсто тешко се најавуваат за пристап на страниците.
И од оние кои пријавиле проблеми со Gmail, 75 отсто не можеле да се најават, 15 отсто не можат да пристапат на веб-страницата, а осум отсто не примале пораки.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.