Во водите на прилепското вештачко езеро изутринава е најдено безживотното тело на 50-годишната прилепчанка која исчезна кога излегла од својот дом околу 23 часот на 16 декември.
Според Дарко Неданоски, спелеолог и раководител на спасувачката служба „Златоврв“, биле подготвени со чамци и евентуално нуркање во езерото за да ја побараат како една од алтернативите да се дознае што се случило со прилепчанката.
-Бевме подготвени да го пребараме езерото, но го забележавме телото како плута.
Се очекуваат екипи од крим техника од полицијата и од Јавното обвинителство да го испитаат случајот, изјави Неданоски.
Прилепчанката, 50-годишната Весна Николоска откако излегла од домот не се вратила. Во градот и во околината со околу 400 доброволци континуирано се вршеше целодневна потрага. За денеска како можност беше оставено пребарувањето во водите на прилепското вештачко езеро.
Не се знае што се случило со прилепчанката, тоа дополнително ќе се утврдува.
ПОВРЗАНИ ВЕСТИ
МИА/Фото: Општина Прилеп/Фејсбук