Четири ќеси кокаин и една со марихуана пронајдени во „мерцедес“ во Кичево, приведени девет лица

На 01.01.2021 во 02.40 часот, во близина на автобуската станица во Кичево, при преглед на патничко возило „мерцедес“, со кичевски регистарски ознаки, управувано од А.К.(21) од Скопје, пронајдени се и одземени четири ќеси со кокаин и една со марихуана, информира МВР.

Тој, заедно со сопатниците В.А.(21), Д.Г.(20), Д.О.(20), М.Т.(19), А.Т.(19), М.Б.(20), Ф.К.(20) и А.Т.(20), сите од Скопје, се приведени во полициската станица во Кичево.

По целосно документирање на случајот, ОВР Кичево ќе поднесе соодветна пријава.