Според неделниот извештај на Институтот за јавно здравје (ИЈЗ) во периодот од 28 декември 2020 до 3 јануари 2021 година тестирани се вкупно 10.778 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 17,9% во однос на минатата недела.
„Регистрирани сe 2.329 нови позитивни случаи од 33 градови во државата со намалување од 30,9% во однос на минатата недела.
Најголем дел од регистрираните случаи се од Скопје. Во периодот на известување процентот на позитивни од тестирани случаи на SARS-CoV-2 изнесува 21,6% намалување од 4,1% во однос на минатата недела,“ се вели во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
Пет лица на возраст од 30 до 49 години починале од Ковид-19
Најголем број од заболените од Ковид-19 на возраст над 60 години
Фото: МЗ