еМагазин
Свет

Од недела Италија во портокалова зона поради Ковид-19

Италијанскиот министер за здравство Роберто Сперанца денеска треба да потпише указ со кој поголемиот дел од државата ќе се најде во портокаловата зона на ризик од инфекција со вирусот Ковид-19, а полицискиот час од 22 до 5 часот наутро останува во сила.

Во црвената зона ќе биде Ломбардија, регионот најпогоден од првиот бран на вирусот, Сицилија и провинцијата Болзано.

Тие правила ќе стапат на сила в недела, а одлуката на Сперанца се заснова на најновите податоци на Министерството и Институтот за јавно здравје.

Новата регулатива предвидува и забрана за патување меѓу региони, освен од деловни и здравствени причини, како и неопходни ситуации, а забраната ќе остане на сила до 15 февруари.

Зонскиот систем значи дека во најризичната, црвена зона, сите ресторани и барови ќе бидат затворени, освен оние што доставуваат храна, а сите продавници што продаваат непрехранбени производи ќе бидат затворени.

Во портокаловата зона, која се смета за зона со среден ризик, продавниците можат да работат, но баровите и рестораните се затворени.

Во умерената, жолта зона, баровите и рестораните можат да бидат отворени до 18:00 часот по локално.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нервоза на Минхенската безбедносна конференција – ова е крај на светот каков што го познаваме

Редакција

Меѓународната агенција за атомска енергија под итно бара проверка на состојбата во нукелеарната централа Запорожје

Редакција

САД ќе добие ретки минерали од Украина во вредност до 350 милијарди долари

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница