Податоците за Маврово – Ростуше (Националниот парк Маврово) за првите 10 месеци од 2020 година, и покрај затворањето во април, мај и дел од јуни кога не работеа сместувачките капацитети, покажуваат дека се остварени 22.453 ноќевања од страна на 11.098 туристи, а за истиот период во 2019 година имало 20.563 ноќевања и 10.394 туристи во сместувачките капацитети, информираше премиерот Зоран Заев.
Ова е раст од шест проценти за домашните туристи и од девет проценти за ноќевања, во споредба со 2019 година.
Во Берово, има покачување од 29 проценти на домашните туристи, додека бројот на ноќевања е зголемен за 37 проценти во однос на истиот период 2019 година.
„Отворањето на новата линија Киев – Скопје овозможи поголем број на украински туристи во нашите зимски центри кои се полни до крајот на месецот благодарение и на зелените коридори кои Северна Македонија ги воспостави со соседните Србија и Албанија,“ напиша Заев на неговиот фејсбук-профил.
Фото: емагазин.мк