Регулаторна комисија за енергетика и водени ресурси информира дека малопродажните цени на нафтените деривати согласно Методологијата за формирање на цените, се намалуваат во просек за 0,13 отсто.
Малопродажните цени на бензините „еуросупер БС-95“ и „еуросупер БС-98“ и малопродажната цена на дизелот, не се менуваат, односно остануваат на исто ниво како што биле утврдени со одлуката за утврдување на највисоки малопродажни цени на нафтените деривати и горива за транспорт од 25 јануари.
Со тоа малопродажната цена на „еуросупер БС-95“ изнесува 61 денари за литар, малопродажната цена на „еуросупер БС-98“ изнесува 63 денари за литар, додека малопродажната цена на дизелот изнесува 52 денари за литар.
Малопродажната цена на екстра-лесното масло за домаќинство (ЕЛ-1) се намалува за половина денар и ќе изнесува 41 денари за литар.
Важно известување
Посети ја новата страница