Бројот на луѓе кои се вакцинирале против Ковид-19 на глобално ниво го надмина вкупниот број на заразени случаи во светот, објави ТАСС.
Врз основа на анализа на официјалните податоци и медиумските извештаи, руската агенција наведува дека во светот се вакцинирани најмалку 105,1 милион лица, додека вкупно заразени од коронавирусот се околу 103,9 милиони луѓе.
Најголем број вакцинирани се во САД (33,7 милиони), потоа следуваат Велика Британија (10,2 милиона) и Израел (5,05 милиони).
Во Израел вакцинирани се 56,86 отсто од вкупното население, во Обединетите Арапски Емирати 38,83 проценти, а на Сејшелските Острови 36,25 отсто.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.