Во велешката болница вкупно 30 пациенти се хоспитализирани поради коронавирусот, од нив 22 се потврдени позитивни, пет сомнителни и тројца пациенти со негативен брис, но задржани на болничко лекување. На Инфективно одделение има 25 пациенти.
Портпаролот д-р Елеонора Јованова информира дека осум од пациентите се на кислородна поддршка.
„Има мало покачување на бројот на пациенти во изминатите неколку дена, така завчера нивниот број бил 24 пациенти“, рече д-р Јованова.
Ова е последица на пораст на новозаболени од Ковид изминативе денови во Велес и велешко, а според Центарот за јавно здравје во изминатото деноноќие има 19 новозаразени и 11 оздравени.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.