Почина докторот кој го лекуваше рускиот опозиционер, Алексеј Навални, во болницата во Омск по неговото труење, пренесоа агенциите.
Од болницата соопштија дека Сергеј Максимишин, кој бил заменик-шеф на болницата, починал на 55-годишна возраст.
Навални беше примен во одделот за итни случаи во болница во Омск минатото лето.
Леонид Волков, шеф на кабинетот на Навални, потврди дека Максимишин бил одговорен за лекување на опозицискиот лидер.
„Сергеј Максимишин беше шеф на одделот каде се лекуваше Алексеј Навални и беше одговорен за неговото лекување, особено за да ја следи неговата медицински предизвикана кома.
Тој знаеше повеќе од кој било друг за состојбата на Алексеј, па не можам да ја исклучам можноста дека ова е кривично дело“, изјави Волков.
Тој изрази сомнеж дека ќе има истрага за неговата смрт.
ПОВРЗАНИ ВЕСТИ
Рускиот опозиционер Алексеј Навални осуден на затворска казна од 2 години и 8 месеци
(ВИДЕО) Масовни протести во Москва за ослободување на Навални, уапсени над 1.000 лица
Фото: Фејсбук/Навални