Шефот на европската дипломатија, Жозе Борел за време на неговата посета на Москва, денеска изјави дека се надева дека руската вакцина „Спутник V“ наскоро ќе користи во ЕУ.
Според Борел, „Спутник V“ е „добра вест за човештвото“, јавија руските медиуми и потсетуваат дека вакцината уште во август беше одобрена од руската Влада, а многу земји изразија интерес да ја купат.
Европската унија потпиша шест договори за повеќе од две милијарди вакцини од различни производители, од кои само три се одобрени од Европската агенција за лекови (ЕМА), но сите производители доцнат со испораките на нарачаните вакцини.
– Сега се надевам дека ЕМА ќе може да ја потврди ефикасноста на руската вакцина за да може да се користи во земјите на Европската унија. Тоа би било добра вест, бидејќи се соочуваме со недостиг на вакцини, додаде Борел.
Американските медиуми наведуваат дека ЕМА се уште го нема добиено барањето за одобрување на вакцината „Спутник V“.
МИА/ Фото: Photo by Hakan Nural on Unsplash