Владата на 45. седница ја разгледа и усвои Информацијата за исплата на пензии за месец февруари 2021 година и го задолжи Фондот на пензиското и инвалидското осигурување да ги достави податоците за пензиите до деловните банки најдоцна до 24.02.2021 година на кои им се препорачува да обезбедат готовинска исплата на пензии за клиентите кои не користат картички, во четири групи според следниот распоред составен според висината на пензијата:
– За пензии со висина до 11.000 денари, исплатата да се изврши на 25 февруари (четврток).
– За пензии со висина 11.001-14.000 денари, исплатата да се изврши на 26 февруари (петок).
– За пензии со висина 14.001-18.000 денари, исплатата да се изврши на 01 март (понеделник).
– За пензии со висина над 18.001 денари, исплата да се изврши на 02 март (вторник).