Вицепремиерот за европски прашања, Никола Димитров ја оцени како скандалозна невистина изјавата на министерката за надворешни работи на Бугарија, Екатерина Захариева дека нашата држава има под 50 отсто усогласеност со заедничката и надворешната политика на ЕУ.
„Нашиот степен на усогласеност со заедничката надворешна и безбедносна политика на ЕУ, според последниот извештај на Европската комисија (октомври 2020) за 2019 изнесува 92%:
“On common foreign and security policy (CFSP), the country aligned – when invited – with 84 out of 91 High Representative declarations on behalf of the EU and Council Decisions, representing an alignment rate of 92% in 2019.”
Очигледно е потребна поголема внимателност, особено кога се работи за лесно достапни податоци.
Вака впечатокот е разочарувачки – дека идејата била паушално да се оцрни соседот, што не би било ниту пријателски, ниту европски,“ напиша Димитров на неговиот Фејсбук-профил.
Фото: Влада