Триесет и пет годишен тетовец денеска е приведен во централното градско подрачје откако полицијата постапила по судска наредба за негово лишување од слобода поради потребата од издржување на затворска казна.
Тој бил осуден на една година и два месеци затвор.
-Денеска околу 12 часот и 15 минути, на улица „Маршал Тито“ во Тетово, полициски службеници на СВР Тетово го привеле 35-годишниот тетовец Б.Р., осуден на затворска казна од година и два месеци за сторено кривично дело „неовластено производство и пуштање во промет на наркотични дроги, психотропни супстанци и прекурсори“, согласно член 215 од Кривичниот законик, информира Марјан Јосифоски, портпарол на СВР Тетово.
По приведувањето, реализирано со судска наредба, 35-годишникот е спроведен во Казнено поправната установа Затвор „Тетово“ во Тетово за издржување на казната.
МИА/Фото: Влада