Актерот Луран Ахмети почина на 46-годишна возраст како последици од компликации со Ковид-19.
Ахмети е познат актер со домашна и меѓународната сцена, а најповеќе улоги оствари во претставите во Албанскиот театар. Беше дел од играни и кратки филмови, како и најгледаните турски серии како „Величенствениот“, „Долина на волците“, „Збогум Румелија“.
„Длабоко потресна е веста за смртта на еден од најталентираните актери на Албанскиот театар Луран Ахмети. Луран замина, но зад себе остави длабоки траги на театарската сцена и ликови за паметење во повеќе странски филмски и телевизиски проекти.
Упатувам најискрено сочувство до семејството во овие моменти на длабока тага,“ напиша премиерот Зоран Заев на неговиот Фејсбук-профил.
Министерката за култура Ирена Стефоска исто така со длабоко жалење ја сподели веста дека почина еден од најталентираните актери на сцената на Албанскиот театар и светската филмска сцена.
„Ќе остане огромна и неисполнета празнина во културниот живот во земјата. Почивај во мир Луран! Сочувство до семејството, колегите и сите љубители на уметностa,“ напиша Стефоска.
Фото: Фејсбук/Ахмети