Безбедносните сили во Мјанмар убија повеќе од 500 цивили, помеѓу кои голем број студенти и адолесценти од 1 февруари, кога армијата ја презеде власта во земјата, соопшти денеска Асоцијацијата за помош на политичките затвореници.
– Потврдивме 510 загинати лица. Но, најверојатно нивниот број е многу поголем, наведе Асоцијацијата.
Исто така стотици луѓе се водат како исчезнати. Само на протестите во саботата загинаа 114 луѓе, меѓу кои и седум малолетни лица. И покрај репресијата, демонстрантите и вчера протестираа, а настрадаа 14 цивили во источниот дел на економскиот центар на Мјанмар, Јангон.
МИА/Фото: Photo by ev on Unsplash
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.