еМагазин
Балкан

Бесплатни тестови за Ковид-19 за домашна употреба ќе добиваат граѓаните на Грција

Во среда започнува дистрибуцијата на тестовите за Ковид-19 за домашна употреба, односно т.н. „селф тестови“, во аптеките во Грција, а ќе бидат бесплатни, но и задолжителни за одредени категории граѓани, како што се учениците и наставниците.

Алтернативниот министер за здравство на Грција, Василис Кондозаманис соопшти дека земјата ќе набави 10 милиони вакви тестови.

Во првата фаза, приоритет ќе имаат постарите средношколци, односно оние на возраст од 16 до 18 години, како и нивните професори со цел да се отворат повисоките класови од средните училишта.

Учениците и просветните работници, задолжително ќе треба секоја седмица да се тестираат со домашните тестови, 24 до 48 часа пред почетокот на наставата.

Ќе биде отворена и специјална интернет платформа на која ќе се пријавуваат позитивните случаи, но и негативните, доколку станува збор за категорија граѓани за кои домашното тестирање ќе биде задолжително и ќе биде потребно да имаат соодветна потврда.

Истото ќе важи и за учениците, во случај резултатот да е позитивен, ќе треба да се пријави на платформата и потоа да се направи и тест во здравствена институција, а при негативен резултат ќе добиваат потврда што треба да ја носат со нив на училиште.

Учениците кои нема да имаат потврда, нема да можат да ја следат наставата.

Кондозаманис истакна дека домашните тестови во никој случај не можат да го заменат епидемиолошкиот надзор, туку се додатно средство за индивидуално само-дијагностицирање и самозаштита за рано дијагностицирање и изолирање на асимптоматските случаи.

За секој граѓанин предвиден е по еден тест седмично, а со бројот на социјално осигурување со тестовите за домашна употреба, ќе се снабдуваат од аптеките.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(ВИДЕО) Снег во Словенија и Италија, невреме во Хрватска

Редакција

Скандал во Грција: Владини функционери примиле вакцини против Ковид-19 пред лекарите

Редакција

За влез во Србија сепак нема да ни треба негативен тест за Ковид-19

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница