Македонски, грчки, бугарски и американски војници ќе одржат вежба во земјава

Владата на предлог на Министерството за одбрана донесе одлука за влегување и престој на странски вооружени сили на територијата на земјава заради учество на вежба „Одлучен удар 21“.

„Се работи за воена вежба која ќе се одржи во период од 28 април до 30 јуни 2021 година и која е дел од големата годишна, здружена, мултинационална вежба „DefenderEurope – 21” со учество на околу 1.300 припадници на Армијата на Република Северна Македонија и активно учество на 500 припадници од Вооружените сили на Соединетите Американски Држави, 20 припадници од Вооружените сили на Република Грција и 20 припадници од Вооружените сили на Република Бугарија, со возила, вооружување, опрема, материјално-технички средства и воздухоплови“, соопшти Владата.

Фото: АРМ