Поради борба за подобар живот и невработеноста пред неполна година семејството на Верица Белчовска, која почина поради последици од сообраќајка, а чии што донари органи досега спасија три лица, се разделило во два града, раскажува за порталот mms.mk, нејзиниот брат Мартин.
Мартин, кој е вработен, останал со сопругата во Берово, а таткото Кирил, мајката Душана со двете ќерки Ана и Верица се преселиле под кирија во Струмица. Кирил уште не успеал да најде работа и по девет месеци преселба, но трите дами во семејството некако се снашле.
„Јас изгубивме најмалата во семејството. На „Благовец“ во Струмица на пешачки премин ја удри момче од 18 години и побегна од местото. Колку што јас знам кога дознале дека колата со која ја удриле сестра ми била пронајдена, тој подоцна сам се пријавил во полиција.
Во Берово е многу тешко да се најде работа, затоа мајка ми и татко ми со сестрите се преселија во Струмица. Татко ми се уште е невработен, мајка ми работеше во еден маркет, па требаше да се префрли во друг и откако се случи ова не знам што ќе биде.
Постарата сестра Ана (23) работи во спортска обложувалница, а Верче работеше во кафуле. Под кирија се, мораа да заминат, од Берво се преселија, бидејќи нема работа, секаде е полно и со ниски плати“, раскажува Мартин за порталот mms.mk.
ПОВРЗАНИ ВЕСТИ
Блаже Сапунџиев од Кавадарци, кој со години бил на дијализа доби бубрег од Верица Белчовска
Фото: Фејсбук/МИА/mms.mk