Во изминатите 24 часа во ковид центрите во Скопје се хоспитализирани 48 нови пациенти поради компликации од коронавирусот, информираат од Министерство за здравство.
Вкупно 661 лицe сомнителнo и потврденo за Ковид-19 се лекува на инфективните оддели во главниот град.
„Во последното деноноќие, на Интерните и хируршки клиники имало 22 приеми.
Во ковид центарот во ГОБ 8 Септември имало 10 примени пациенти и 8 билe примени на Инфективната клиника во текот на вчерашниот ден.
Во Козле билe примени 3 нови болни, а 2 пациенти биле примени на Клиниката за Детски болести.
На Институтот за физикална медицина се примени 2 пациенти.
Во изминатите 24 часа дома се пуштени 56 оздравени пациенти.
Во моментов во ковид центрите на Интерните и на хируршките клиники се лекуваaт 272 пациенти.
Во ГОБ 8 Септември има вкупно 136 болни, а на Клиниката за инфективни болести лежат 147 пациенти, додека во Иститутот за белодробни заболувања кај деца Козле има 36 пациенти.
На Клиниката за детски болести има 9 деца позитивни на Ковид-19 вирусот, а на ГАК има 5 позитивни пациентки.
На Институтот за физикална медицина и рехабилитација има 49 болни,“ се вели во соопштението.
Во него се доава дека бројот на приеми во изминативе денови е стабилен и утрово до 8 часот имало 90 слободни места, а се очекува во тек на денот по направените исписи на оздравените пациенти да се ослободат и дополнителни места.
Фото: МЗ