Израелското Министерство за здравство вчера соопшти дека истражува мал број случаи на воспаление на срцевиот мускул кај луѓе кои примиле вакцина на „Фајзер“ против Ковид-19, но сè уште не дошло до заклучоци.
Според „Фајзер“, не е забележана поголема стапка на ова заболување отколку што обично се очекува кај општата популација.
Израелскиот координатор за одговор на пандемијата Нахман Аш рече дека прелиминарната студија покажала десетици појави на миокардитис што се случиле кај повеќе од пет милиони вакцинирани лица, пред сè по втората доза.
Аш додаде дека не е јасно дали ова е невообичаено високо и дали е поврзано со вакцината.
Како што е соопштено, повеќето случаи се пријавени кај лица на возраст до 30 години.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.
Важно известување
Посети ја новата страница