еМагазин
БЕНЧМАРК ТОП СТОРИИ

Какви документи и да се појават, ЕУ е против промена на граници велат од Европска комисија

Повторно запрашани за наводните нон-пејпери кои споменуваат прекројување на границите на Западен Балкан, од Европската Комисија денеска пристигна јасна порака дека ваков проект не доаѓа в предвид, јави дописничката на МИА од Брисел.

Прашањето беше повторно поставено денеска на редовниот брифинг за новинари во Брисел по повод посетата на српскиот претседател, Александар Вучиќ, во институциите на ЕУ.

Тој утрово се сретна со претседателката на Европската Комисија, Урсула фон дер Лајен и со еврокомесарот за проширување, Оливер Вархеји.

Портпаролот на Европската комисија, Ерик Мамер, рече дека фамозниот нон-пејпер кој наводно е поднесен од страна на словенечкиот премиер, Јанез Јанша, ниту било кои други документи со слична содржина никој не видел во Европската комисија.

– Ја знаете добро позицијата на ЕУ за тоа дека не сме за никаква промена на граници, ова треба да се отстрани, какви пејпери и да се појават во иднина или да се појавиле во минатото, нашиот став е јасен, рече Мамер.

Останува дека наводниот нон-пејпер е поднесен до Европскиот совет и неговиот претседател, Шарл Мишел, што е различна институција од Европската комисија и каде заседаваат лидерите на земјите членки на ЕУ.

Од кабинетот на Мишел до сега немало ниту потврда, ниту демант, ниту став за промената на границите на западниот Балкан откако во медиумите се објави овој документ.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Кривична за поранешниот министер за култура Исмаили, го оштетил буџетот за половина милион евра

Редакција

Македонија првпат домаќин на Европско првенство, Мукаетов повика на сплотеност во организацијата

Редакција

Злоупотребите на визната либерализација повторно на маса пред министрите на ЕУ

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница