По повод 1 Мај – Денот на трудот, утрово со премиерот Зоран Заев дарувавме крв во Службата за трансфузиона медицина во Струмица, соопшти министерот за здравство Венко Филипче на неговиот Фејсбук-профил.
„Постапката е многу едноставна, а вработените во Трансфузија се љубезни и пријатни при целиот процес на дарување крв. По дадената согласност, следува здравствена проверка, а потоа во пријатна атмосфера со почитување на сите мерки за заштита од вирусот Ковид-19, ја завршивме оваа многу лесна постапка.
Дарувањето крв може да спаси живот, само со едно ќесе крв може да се подобри здравјето на 3 до 4 пациенти. Бидете хумани, дарувајте крв! Крводарителството е хумана човечка вредност“, напиша Филипче.
Фото: Фејсбук/Филипче
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.
Важно известување
Посети ја новата страница