Регионалниот вакцинален пункт во Битола е отворен, а масовната имунизација се одвива непречено.
Здравствените власти информираа дека според планот, денеска ќе бидат вакцинирани 910 граѓани, а со иста динамика ќе се продолжи во наредните денови.
Во регионалниот вакцинален пункт сместен во спортската сала на средното медицинско училиште граѓаните се вакцинираат со кинеската вакцина „Синофарм“, а за ефикасно спроведување на процесот на вакцинација ангажирани се здравствени работници и членови на општинскиот Црвен крст.
Регионалниот вакцинален пункт е во функција на жители од општините Битола, Прилеп, Демир Хисар, Крушево и Македонски Брод.
МИА/Фото: МЗ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.