Рестриктивните мерки би продолжиле уште една недела, но ќе се знае во понеделник, вели Филипче

Министерот за здравство Венко Филипче денеска изјави дека во понеделник ќе се дискутира дали ќе продолжат рестриктивните мерки или ќе има олабавување.

Лично тој смета дека сегашните мерки, треба да продолжат уште една недела и засега нема изгледи дека би имало влошување на епидемиолошката состојба со вирусот.

Она за што би можело да се дискутира е да се укине мерката за носење на маски на отворено, а носење на маска при групирање во затворен простор, би останало како мерка.

Во однос на барањето на угостителите за зголемување на бројот на гости, Филипче рече дека ќе се разговара околу тоа.

ПОВРЗАНИ ВЕСТИ

Иако беше најавено дека до 15 мај сите пријавени ќе добијат термин, помладите сепак ќе почекаат за вакцина, најави Филипче

Кај пациент од Делчево бил откриен јужноафрикански сој на коронавирусот во март

Денеска ќе пристигнат 38.000 вакцини „АстраЗенека“, а утре 100.000 од „Синофарм“

Фото: МИА