Претседателот Стево Пендаровски денеска изјави дека случајот со протерувањето на рускиот дипломат од земјава бил документиран и оти не станува збор за импровизација. Нему, нагласи претседателот, му е даден рок од седум дена да ја напушти земјава.
-Информиран сум од пред неколку дена, се разбира како и другите надлежни органи. Од она што го видов случајот беше од надлежните институции документиран, значи не стануваше збор за импровизација, меѓутоа поради природата на работата не можам понатаму да коментирам, рече Пендаровски одговарајќи на новинарско прашање.
Во врска со дадениот рок од седум дена за напуштање на државава, Пендаровски истакна дека се водело сметка и за човечкиот аспект, а не само за дипломатската конвенција.
-Се водеше сметка да не биде тоа преку ноќ, тие луѓе имаат семејства, имаат други интереси, не е хумано да постапуваме на таков начин, рече Пендаровски.
Министерството за надворешни работи денеска информираше дека прогласило дипломат на руската Амбасада во Северна Македонија за непожелна личност.
ПОВРЗАНИ ВЕСТИ
Македонија протера руски дипломат
МИА/Фото: Кабинет на претседателот