Истражување на Владата покажува дека до средината на март, 73% од граѓаните во Македонија немале прележано Ковид-19.
Според истражувањето, 73% од анкетираните рекле дека ниту тие, ниту некој од нивното семејство не го прележале вирусот.
Истражувањето покажува дека 51% од граѓаните планираат да се вакцинираат, 18% се уште не донеле одлука, а 28% не планираат да примат вакцина против Ковид-19.
Македонските граѓани најмногу ја преферираат руската вакцина. 65% од нив рекле дека претпочитаат да се вакцинираат со Спутник В, 61% се определиле за Фајзер, а 50% за Синофарм. АстраЗенека ја избрале 34%.
Истражувањето покажува и дека 11% од граѓаните сметаат дека корона вирусот не постои, а 3% велат дека не знаат дали постои.
Анкетата е спроведена телефонски во периодот од 8 до 16 март врз репрезентативен примерок од 1.100 испитаници.
Фото: МЗ