Споредено со претходната година, кога имаше поголема неизвесност за пандемијата со Ковид-19, но и поради тоа што границата со Грција беше затворена за македонските граѓани, оваа година има поголем интерес за летување во странство, велат од туристичките агенции.
“Најбарани дестинации, како и пред ковид-кризата остануваат Грција и Турција. Може да се каже дека годинава интересот за летување во странство е поголем споредено со лани, бидејќи тогаш граѓаните беа повеќе исплашени“, вели за еМагазин, Ана Богоевска, менаџер за резервации во туристичката агенција Савана.
Таа посочува и дека на граѓаните не им се проблем дополнителните трошоци за тест за присуство на Ковид-19, кој моментално се бара и за Грција и за Турција.
ПОВРЗАНИ ВЕСТИ
Кои се условите за патување во Турција: Донесена одлука во врска со ПЦР тестовите
Границите со Албанија и Црна Гора се поминуваат само со лични карти, како пред ковид-кризата