ЕВН регистрирала активно “копање“ биткоини во реонот на с. Љуботен, општина Арачиново, населба Сингелиќ, улица Дижонска во Чаир, улица Јајце во Гази Баба, итн, објави порталот Пари.
“Имаме дојави дека “копачите“ на биткоини ги сместуваат компјутерите и во напуштени селски куќи каде сметаат дека потешко ќе бидат откриени и нема да ја нарушат стабилноста во снабдувањето во соседството.
И не би имало проблем доколку таквата потрошувачка е соодветна на мерното место каде мрежата што е дизајнирана за потребите на тоа корисничко место може да го поднесе зголемениот товар, и ако корисникот уредно ја плаќа потрошената електрична енергија.
Но, најчесто, мрежата не е дизајнира за новосоздадената потрошувачка на струја при “копање“ биткоини, а поединци се приклучуваат на диво за да ги избегнат големите трошоци за нивниот нов бизнис, вели за Пари, Ленче Карпузовска, менаџер на Одделот за комуникации на ЕВН Македонија.
Фото: Photo by André François McKenzie on Unsplash