Денеска од нашите пријатели од Владата на Република Грција ја примивме донацијата од 20.000 дози вакцини „АстраЗенека“, информираше министерот за здравство Венко Филипче на неговиот Фејсбук-профил.
„Оваа поддршка од грчката Влада, амбасадорот на Република Грција, Русос Кундурос и грчкиот народ се од голема важност за нас, за што им изразувам благодарност.
За време на примопредавањето не поздрави и премиерот Зоран Заев, кој во тој момент се врати од Брисел.
Солидарноста меѓу пријателските земји во време на ковид пандемијата покажува колку е важно сите да бидеме сплотени во процесот на имунизација, бидејќи тоа е единствениот начин да издвојуваме победа против вирусот Ковид-19,“ напиша Филипче.
Фото: Фејсбук/Филипче
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.