Директорот на Институтот за имунологија, Александар Петличковски во Дневникот на ТВ Сител не сакаше да прогнозира кога точно ќе заврши пандемијата со Ковид-19, имајќи го во предвид ланското искуство.
Тој рече дека сепак нема место за бран како ланскиот кога заврши летото.
„Мал дел отпаѓа на имунизираност и прележана болест, но и условите не му одговараат, а може и да има нешто во вирусот што го прави таков“, одговори Петличковски на прашањето дали вирусот преку летото слабее.
Рече и дека пред една и пол година предвидувањата, односно пресметките биле дека 60 отсто имунизирани преку вакцина или природен пат се потребни за колективен имунитет, но дека сега прагот е кренат до 85 проценти за вирусот да нема каде да се шири.
„Колективен имунитет не е возможен, има појава на нови соеви, а покрај тоа никогаш нема да постигнеме 100 отсто вакцинираност. Дополнително, има луѓе кои не пристапуваат кон втората доза. Затоа, тоа реално нема да се случи“, рече тој.
ПОВРЗАНИ ВЕСТИ
Фото: Фејсбук-Филипче