Израел соопшти за намалена ефикасноста на вакцината на „Фајзер/БиоНТек“ против Kовид-19 при спречување на инфекции и симптоматски заболувања, но исто така наведува дека останува многу ефикасна во спречување на сериозни болести предизвикани од коронавирусот.
Намалувањето на ефикасноста на вакцината се совпадна со проширувањето на делта мутацијата на коронавирусот и укинувањето на ограничувањата за физичка оддалеченост во Израел.
„Ефикасноста на вакцината во спречување на инфекции и симптоматски заболувања се намали на 64 проценти од 6 јуни“, објави израелското Министерство за здравство.
Истовремено, вакцината на „Фајзер“ е ефикасна 93 проценти во спречување на хоспитализации и сериозни заболувања од коронавирусот.
Портпарол на компанијата „Фајзер“ одби да ги коментира податоците од Израел, но наведе други истражувања кои покажале дека антителата произведени од оваа вакцина сепак се во можност да ги неутрализираат сите тестирани варијанти на Ковид-19, вклучувајќи ја и делта мутацијата, иако со намалена моќ.
ПОВРЗАНИ ВЕСТИ
Се што треба да знаете за делта сојот на Ковид-19: Од симптоми до вакцини
МИА