Децата од Гевгелија имаат обична вирусна инфекција, им се „буди“ имунитетот, вели Филипче

Министерот за здравство Венко Филипче информираше дека децата од Гевгелија имаат обична вирусна инфекција.

Кај сите деца била направена серолошка анализа на крвта за да се види дали имаат антитела и дали во изминатава година, коронавирусот го поминале асимптоматски.

„Ниту едно дете нема антитела за прележан ковид и вториот момент кој се испитуваше беше зошто сега во толкава бројка и во еден регион.

Но, по информацијата дека има зголемена бројка на деца и во болницата во Козле, очигледно дека имуниот систем сега на некој начин проработува поради тоа што подолго време биле изолирани дома и сега децата доаѓаат во контакт со предизивикувачи и на тој начин реагира имуниот систем.

Значи нема никаков простор за паника, битно е дека нема никаква врска со ковидот,“ рече Филипче.

ПОВРЗАНИ ВЕСТИ

„Заспаниот имунитет“ една од можните причини за респираторни инфекции на 50 деца во гевгелиската болница, каде што тим на лекари ќе испитува

Доктор Софијанова: Ковид-19 го заспа имунолошкиот систем кај децата, и тоа веројатно е причината за респираторните инфекции во лето

Фото: МИА