Османи побарал помош од Турција за евентуално извлекување на македонски државјани од Авганистан

Министерот за надворешни работи Бујар Османи остварил контакт со неговиот турски колега Мевљут Чавушоглу од кого добил уверување дека доколку има потреба ќе помогнат при извлегување на македонските државјани од Авганистан.

–  Со оглед дека Република Турција има широко дипломатско и логистичко присуство во Кабул, побарав евентуална асистенција доколку се појави потреба за извлекување и на нашите граѓани таму.

Добив уверување од колегата Чавушоглу дека нивното присуство во Кабул е стабилно, дека располагаат со доволно логистички капацитет за трансфер на нивните граѓани и дека ќе имаат предвид, доколку се појави потреба, да помогнат и при извлекување на наши граѓани, напиша Османи на Фејсбук.

ПОВРЗАНИ ВЕСТИ

(Вознемирувачко видео) Талибанците влегоа во Кабул и тврдат дека цел Авганистан е под нивна контрола, претседателот избега

Во Авганистан има 100 македонски државјани, МНР тврди дека биле на безбедни локации

Фото: Влада