Времето во земјава во текот на утрешниот ден ќе биде стабилно со благ пораст на дневната температура, но, веќе во среда и во четврток се очекува нестабилно време со дожд.
Како што најавуваат од Управата за хидрометеоролошки работи (УХМР), во среда во попладневните часови ќе биде нестабилно со локален пороен дожд, грмежи и засилен ветер.
Изолирана појава на нестабилност претежно во планинските подрачја ќе има и во четврток. Ќе дува умерен до засилен ветер од југозападен и западен правец, а дневната температура ќе биде во опаѓање.
Според УХМР, потоа во следните денови се очекува претежно стабилно и потопло време.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.