Во Струмичко досега е поднесена само една независна кандидатура за градоначалник

Во четирите општини во струмичкиот регион досега е поднесена само една независна кандидатура за градоначалник на општина Василево за локалните избори во октомври. Кандидатурата ја поднел Иљо Ангов, кој до 30 овој месец треба да го собере потребниот број потписи.

Според информациите од Подрачната канцеларија на Државната изборна комисија сите зантересирани за пријавување независни листи за советници или градоначалник во општините Струмица, Босилово, Ново Село и Василево можат да собираат потписи до 30 август во подрачната канцеларија или кај нотар.

Инаку, во регионот имаше повеќе најави за независни кандидатури за советнички листи и градоначалник, но до денес е поднесена само една.

МИА/Фото: МИА