еМагазин
БЕНЧМАРК ТОП СТОРИИ

Бајден и кажал на Фон дер Лајен проширувањето на ЕУ да продолжи и да ја вклучи и Македонија

Претседателот на Соединетите Американски Држави, Џозеф Бајден вчера зборувал телефонски со претседателката на Европската комисија, Урсула фон дер Лајен и нагласил дека процесот на проширување треба да продолжи со земјите од Западен Балкан и да ја вклучи Северна Македонија, објави денеска на својот официјален Твитер налог американската амбасадорка Кејт Мари Брнз.

– Бајден и нагласил на Фон дер Лајен дека процесот на проширување треба да продолжи со земјите од Западен Балкан, вклучувајќи ја и Северна Македонија, подвлекувајќи го нејзиното значење за регионалната стабилност, развој и просперитет, стои на твитер налогот на амбасадорката Брнз.

Во соопштението од Белата куќа за разговорот се наведува дека претседателот Бајден, вчера во разговорот со претседателката на Европската комисија, Урсула фон дер Лејен ја потврдил неговата поддршка за Европската унија, како клучен партнер за Соединетите Држави, и неговата посветеност да продолжи со спроведувањето на резултатите од јунскиот самит САД-ЕУ.

Меѓу другото се наведува дека „лидерите разговараа и за Западен Балкан и претседателот Бајден пренесе силна поддршка за продолжување на процесот на пристапување со земјите од овој регион“.

МИА/Фото: Фејсбук/Бајден

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Бојко Борисов: Македонците да запрат со историските игри доколку сакаат во ЕУ

Редакција

Разрешена директорката на ДИЖС, Ана Петровска, на нејзино место назначен Сретен Стојковски

Редакција

Животно осигурување: За кого е, кои се бенефитите од него, и што да очекуваме во иднина!

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница