Аријанит Џафери, син на поранешниот функционер на ДУИ, Муса Џафери и сопственик на компанијата за снабдување со електрична енергија „У Пауер“, физички го нападнал претседателот на Регулаторната комисија за енергетика (РКЕ), Марко Бислимоски објави Дојче веле.
Очевидци на настанот за Дојче веле велат дека Џафери седнал на масата на која се наоѓал Бислимоски во еден скопски ресторан и по неколку минутен разговор физички се пресметал со него.
Аријанит Џафери најпрво барал објаснување од Бислимоски зошто Комисијата за енергетика започнала постапка за одземање на лиценцата на неговата фирма, а потоа и физички го нападнал.
Откако неколку пати го удрил и го влечел Бислимоски, три лица од придружбата на Џафери успеале да го отргнат и сите заедно избегале во непознат правец.
ПОВРЗАНИ ВЕСТИ
РКЕ подготвува црна листа на снабдувачи со струја кои не ги почитуваат договорите
Фото: МИА/видео: Дојче веле