Поради обид за убиство од 2016 година, во Полициското одделение од општа надлежност Делчево приведена е А.О. (30) од Република Албанија.
Приведената чие место на живеење е делчевското село Тработивиште, како што соопштија, од полицијата е приведена синоќа во 02:15 минути по полноќ.
– На 11 октомври 2021 во 02:15 часот од полициски службеници од Полициската станица Делчево, поради основано сомнение за сторено кривично дело „убиство во обид“, лишена од слобода била А.О.(30) од Република Албанија, а со место на живеење во село Тработивиште, делчевско.
А.О. кривичното дело го сторила во 2016 година, информираат од полицијата.
Лицето А.О. се товари врз основа на чл.123, а во врска со чл.19 од Кривичниот законик.
Триесетгодишната Албанка била задржана во полициска станица за понатамошна постапка.