Освен во Струмица и Босилово, каде мнозинството во Советот на општината го имаат СДСМ и ВМРО ДПМНЕ, во останатите четири општини во Струмичко и Радовишко мнозинството ќе го одредуваат независните и помалите партии.
Во Радовиш осум советнички места има ВМРО ДПМНЕ, 6 СДСМ, 3 ЛДП и ДОМ и еден независен.
Во струмичко Ново Село кој ќе го има мнозинството ќе зависи од советникот на Граѓанската иницијатива „Стига е“. Таму по 7 советници освоија СДСМ и ВМРО ДПМНЕ.
Во Василево е исто како и во Ново Село, но таму мнозинството зависи од советникот од ЛДП и ДОМ, додека во Општина Конче ќе зависи од советникот на Демократската партија на Турците. Во оваа општина по четири советнички мандати освоија ВМРО ДПМНЕ и СДСМ.
Во Струмица мнозинството го имаат советниците од листата на СДСМ, кои освоија 13 советнички мандати, ВМРО ДПМНЕ освои 9 и еден од „Стига е“, додека во Босилово ВМРО ДПМНЕ има 8 советнички мандати, СДСМ-6 и 1 од „Стига е“.
Инаку, втор круг избори за градоначалник ќе се одржат во Радовиш, Василево, Ново Село и Конче, а во првиот изборен круг беа избрани градоначалници на Струмица и Босилово, каде довербата на граѓаните ја добија Костадин Костадинов и Ристо Манчев.
ПОВРЗАНИ ВЕСТИ
Кој е Костадин Костадинов, новиот градоначалник на Струмица
МИА/Фото: МИА