16 пациенти вакцинирани со „Синофарм“ починале од Ковид-19 минатата недела, а шест со „Синовак“

Министерството за здравство го објави неделниот извештај за починати лица со Ковид-19, кои биле комплетно вакцинирани, какви хронични заболувања имале починатите и колку од починатите со каков тип вакцина биле вакцинирани.

За комплетно вакцинирани се сметаат лицата кои примиле две дози вакцина, а од ревакцинацијата поминале повеќе од 14 дена.

Во период од 15.10-21.10.2021 година починале 124 пациенти со Ковид-19, од кои 27 биле вакцинирани.

Во однос на типот на вакцини со кои починатите биле вакцинирани еден пациент е вакциниран со „Фајзер“, двајца со вакцина „АстраЗенека“, шест починати пациенти со Ковид-19, примиле вакцина „Синовак“, а 16 пациенти примиле вакцина од производителот „Синофарм“, двајца пациенти биле вакцинирани со вакцината „Спутник В“.

ПОВРЗАНИ ВЕСТИ

Детален преглед: Какви хронични болести имале починатите од Ковид-19 минатата недела, а кои биле вакцинирани

За една недела починале 124 болни од Ковид-19: 97 биле невакцинирани, а 27 вакцинирани

Фото: МЗ