Од 15 ноември за влез во секаков вид на објекти од отворен и затворен тип ќе се бара сертификат за две дози вакцина

Од 15 ноември 2021 година за влез во секаков вид на објекти од отворен и затворен тип ќе биде потребен сертификат или потврда за извршена имунизација (вакцинација) од Ковид-19, односно примени две дози на вакцина, или потврда за прележан Ковид-19 во последните 45 дена, сметајќи од денот на оздравувањето.

– Владата на седница донесе заклучок до 14 ноември 2021 година е потребно сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза на вакцина против заразната болест Ковид-19, а од 15 ноември 2021 година сертификат/потврда за извршена имунизација (вакцинација) од вирусот SARS-CoV-2, односно примени две дози на вакцина против заразната болест Ковид-19, соопшти владината прес-служба.

ПОВРЗАНИ ВЕСТИ

Се дозволува работа и на ноќни клубови и објекти за прослава до 50% исполнетост од капацитетот во затворен или отворен простор

Фото: МЗ